జనవిజయంఆరోగ్యంఆయుష్ కోవిడ్ హెల్ప్‌లైన్ కేంద్రం

ఆయుష్ కోవిడ్ హెల్ప్‌లైన్ కేంద్రం

న్యూఢిల్లీ, మే 21 (జనవిజయం): కోవిడ్-19 ఫలితంగా తలెత్తిన సవాళ్లపై అనుసరించాల్సిన ‘ఆయుష్’ ఆధారిత పద్ధతులు, పరిష్కారాలతో సామాజిక మద్దతు అందించేందుకు కేంద్ర ‘ఆయుష్’ మంత్రిత్వశాఖ ఉచిత కాల్స్ చేసేందుకు వీలుగా నం.14443తో ప్రత్యేక సలహా, సహాయ కేంద్రాన్ని ప్రారంభించింది. ఈ కేంద్రం వారంలో ఏడు రోజులూ ఉదయం 6:00 గంటల నుంచి అర్ధరాత్రి 12:00 గంటలదాకా దేశవ్యాప్తంగా సలహ, సంప్రదింపు సేవలందిస్తుంది. ఆయుష్ శాఖ పరిధిలోని ఆయుర్వేద, యోగా, యునానీ, సిద్ధ, హోమియోపతి వైద్య విధానాలకు చెందిన నిపుణులు ఈ 14443 నంబరు ద్వారా ప్రజల ప్రశ్నలు, సందేహాలకు సమాధానాలిస్తారు. వీరు రోగులకు సలహాలివ్వడంతోపాటు అనుసరించదగిన నివారణ పద్ధతులను సూచించడమే కాకుండా సమీపంలోని ‘ఆయుష్’ సదుపాయాల సమాచారం కూడా ఇస్తారు.

కోవిడ్-19 అనంతరం రోగులు కోలుకునేందుకు చేపట్టాల్సిన చర్యలు, నిర్వహణ పద్ధతులపైనా ఈ నిపుణులు సలహాలిస్తారు. ఈ సహాయ కేంద్రం ఐవీఆర్ (పరస్పర గళ ప్రతిస్పందన) పద్ధతిలో ప్రస్తుతం హిందీ, ఆంగ్ల భాషలలో అందుబాటులో ఉంటుంది. క్రమేణా ఇతర భాషలలోనూ సంప్రదింపులు అందుబాటులోకి రానున్నాయి. ప్రస్తుతం ఈ కేంద్రానికి ఏకకాలంలో 100 మంది కాల్స్ స్వీకరించే సామర్థ్యం ఉండగా, భవిష్యత్ అవసరాలను బట్టి పెంచనున్నారు. ఈ సహాయ కేంద్రం ద్వారా సామాజిక స్థాయిలో కోవిడ్-19 వ్యాప్తి నియంత్రణకు తనవంతు చేయూతనివ్వడమే ఆయుష్ మంత్రిత్వశాఖ లక్ష్యం. ఇందుకు ‘ప్రాజెక్ట్ స్టెప్ఒన్’ అనే స్వచ్ఛంద సంస్థ సహకారం అందిస్తోంది.

‘ఆయుష్’ వ్యవస్థలు ఆరోగ్యం-శ్రేయస్సు కోసం వినియోగంలోగల అత్యంత పురాతన సజీవ వైద్య పద్ధతులు కావడమేగాక దేశమంతటా వీటికి అధికారిక గుర్తింపు కూడా ఉంది. వ్యాధిని ఎదుర్కొనడంలో వ్యక్తుల రోగనిరోధకతను బలోపేతం చేయగల ఈ విధానాల విశిష్టత కారణంగా ప్రస్తుత మహమ్మారి సమయంలో వీటి వినియోగం గణనీయంగా పెరిగింది. ఇవి సమర్థమైనవేగాక సురక్షిత, సులభ లభ్యత కలిగినవే కాకుండా కోవిడ్-19 నిర్వహణకు అందుబాటులోగల రోగనిరోధానికి అనువైనవిగా గుర్తింపు పొందాయి. దీంతోపాటు వీటికిగల చికిత్స సామర్థ్యంకూడా తేటతెల్లమైన నేపథ్యంలో రెండు సమర్థ బహుళ మూలికా ఔషధాలు కూడా రూపొందించబడ్డాయి. ఈ మేరకు ‘ఆయుష్-64’ పేరిట ‘సీసీఆర్ఏఎస్’ ఒక ఆయుర్వేద మందును అభివృద్ధి చేయగా, ‘సిద్ధ’ వైద్య పద్ధతిలో ‘కబాసుర కుడినీర్’ పేరిట మరొక మందు సిద్ధమైంది. ఓ మోస్తరు నుంచి స్వల్ప కోవిడ్-19 లక్షణాలను నియంత్రించడంలో ఇవి రెండూ సమర్థంగా పనిచేస్తున్నాయని రుజువైంది. ఈ నేపథ్యంలో సామాన్యుల ప్రయోజనార్థం ఈ మందులను ‘ఆయుష్’ మంత్రిత్వశాఖ విస్తృతంగా ప్రోత్సహిస్తోంది.

'జనవిజయం' జనరల్ ఆర్టికల్స్, విశ్లేషణలు పొందడానికి, సమస్యలను 'జనవిజయం' దృష్టికి తీసుకురావడానికై జనవిజయం సోషల్ మీడియా ప్రొఫైల్స్ లలో జాయిన్ అవ్వండి:
జనవిజయం Join Link
జనవిజయం Join Link
జనవిజయం
జనవిజయం
 
ఇవీ చూడండి..

LEAVE A REPLY

Please enter your comment!
Please enter your name here

ఈ వారంలో ఎక్కువగా వీక్షించినవి:

- Advertisment -

ఎక్కువగా వీక్షించిన పోస్టులు (ఆల్-టైం):

వ్యాఖ్యలు

విభాగాలు

తెలంగాణజాతీయంరాజకీయంపరిపాలనఆరోగ్యంఆంధ్రప్రదేశ్ప్రత్యేకంసినిమాసాహిత్యంవాణిజ్యంస్పూర్తిఅంతర్జాతీయంవ్యవసాయంప్రముఖులువీడియోలుఆయుర్వేదంఅధ్యయనంపోల్స్వినదగునెవ్వరు చెప్పినమంతెన ఆరోగ్య సలహాలువిద్యజర్నలిజంఎడిటర్ వాయిస్వికాసంవార్త-వ్యాఖ్యతెలుసుకుందాంపర్యావరణంపిల్లల పెంపకంవీరమాచనేని డైట్ సలహాలునేర వార్తలుఎన్నికలువిజ్ఞానంన్యాయంసమాజంఆధ్యాత్మికంజీవనంఆర్ధికంఉపాధిప్రకృతిరాజ్యాంగంవాతావరణంవార్తలువినోదంసాంకేతికతకుటుంబంక్రీడలుచరిత్రనాడు-నేడుపర్యాటకంప్రకృతి వ్యవసాయంటెక్నాలజీప్రజఎడిట్ఈపేపర్టీవీపల్లెప్రపంచంపీపుల్స్ ఇంటర్వ్యూబ్లాగ్మంచిమాటమన భూమిమహా విశ్వంమా బృందంవిజయపథంవివిధసంప్రదించండి